İtaliyanın Veneto şəhərində güclü fırtına və külək bir neçə yük vaqonunu aşırıb.

APA "Reilmarket"ə istinadən xəbər verir ki, hadisə Verona və Bolonya şəhərləri arasında yerləşən Borqo Mantovanoda baş verib.
Məlumata görə, qatarlar stansiyada dayandığı zaman güclü külək onları aşırıb.

Hadisə nəticəsində xəsarət alan olmasa da, dəmiryol infrastrukturuna ciddi ziyan dəyib.