Türkiyə Suriyadan çəkilmə ilə bağlı koordinasiya məsələsini yalnız yeni konstitusiya qəbul edildikdən, seçkilər keçirildikdən və sərhədlərin təhlükəsizliyi təmin edildikdən sonra müzakirə edə bilər.

APA-nın Türkiyə müxbirinin verdiyi xəbərə görə, bu barədə Türkiyənin milli müdafiə naziri Yaşar Güler “Reuters“ə müsahibəsində bildirib.

O, həmçinin, Suriya ilə razılaşdırılacaq yerdə nazirlərin də olduğu nümayəndə heyətləri ilə görüşün keçirilə biləcəyini əlavə edib.