“Bizdə radikal müxalifətin ictimaiyyət arasında təşviş yaratmaq məqsədilə seçkidən sonra ölkədə kütləvi iğtişaşlar törətməklə bağlı müzakirələr apardığı barədə məlumatlar var”.

APA-nın “Interpressnews” portalına istinadən xəbərinə görə, bunu Gürcüstanın baş naziri İrakli Kobaxidze bildirib.

O həmçinin ölkədə sabitliyi pozmağa yönələcək addımların ən sərt şəkildə cəzalandırılacağını bildirib:

“Radikal müxalifətin qələbə şansı yoxdur. Onların seçki nəticələrini tanımayacağı artıq indidən məlumdur. Buna görə də hesab edirlər ki, nəticələr elan olunduqdan sonra ölkədə hakimiyyətin xalqın iradəsinə zidd olaraq dəyişdirilməsi labüddür. Bu niyyətdə olan istənilən siyasi qüvvənin aktivliyinin qarşısı qanun çərçivəsində alınacaq. Bəyan edirik ki, heç bir təxribat cəhdi cavabsız qalmayacaq, bütün cinayətkarlar cəzalandırılacaq. Seçki öncəsi sabitlik ölkədə sabitliyin qorunmasının vacib şərtidir. Biz radikalların təxribatlarına yol verməməli, onları ümidləndirməməliyik”.