Şimali Koreya ilk dəfə uranın zənginləşdirilməsi obyektinin görüntülərini dərc edib. Xalqcəbhəsi.az xəbər verir ki, bu barədə Şimali Koreya Mərkəzi Xəbər Agentliyi (KCNA) məlumat yayıb. Bildirilib ki, obyekti gəzən Şimali Koreya lideri Kim Çen İn nüvə başlıqlarının istehsalı və mövcud nüvə materialları barədə məlumat alıb. Dövlət mediası Kimin “müdafiə məqsədləri üçün” nüvə silahı istehsal gücünü artırmağı əmr etdiyini bildirib.
Səfərin yeri və tarixi barədə məlumat verilməyib.