Rusiya “Oreşnik” orta mənzilli hipersəs ballistik raketindən istifadə etsə, bomba sığınacaqları qaçmağa kömək etməyəcək.

Xalqcebhesi.az xəbər verir ki, bu sözləri Rusiya Təhlükəsizlik Şurası sədrinin müavini Dmitri Medvedyev deyib.

“Avropalı rəsmilər indi raketdə nüvə komponentlərindən istifadə edilərsə, hansı zərərin ola biləcəyini, bu mərmilərin vurulub-vurula bilməyəcəyini və onların Avropa paytaxtlarına nə qədər tez çatacağını anlamağa çalışır.

Cavab: müasir vasitələrlə vurmaq mümkün deyil və söhbət dəqiqələrdən gedir. Bomba sığınacaqları kömək etməyəcək, buna görə də yeganə ümid xeyirxah Rusiyanın atışlar barədə əvvəlcədən xəbərdarlıq etməsidir”, - Medvedyev bildirib.