Rusiya müharibənin 1067-ci günü üçün Ukrayna ordusunun itkiləri haqda məlumatı yeniləyib.

Xalqcebhesi.az xəbər verir ki, bu barədə Rusiya Müdafiə Nazirliyinin rəsmi nümayəndəsi İqor Konaşenkov məlumat yayıb.

“Xüsusi əməliyyatın başladığı gündən indiyə qədər düşmənin 652 təyyarəsi, 283 helikopteri, 41 439 PUA-sı, 590 zenit-raket kompleksi, 20 843 tank və digər zirehli texnikası, 1 510 reaktiv yaylım atəş sistemi, 20 930 artilleriya və minaatanı, 30 776 xüsusi hərbi avtomobil texnikası məhv edilib”, - o bildirib.