Macarıstan ABŞ və Avropa İttifaqının daimi təzyiqi altında idi.

Bunu “Neue Zürcher Zeitung” qəzetinə müsahibəsində Macarıstanın baş naziri Viktor Orban deyib.

"10 milyon əhalisi olan ölkə kənardan böyük təzyiq hiss edəndə yaşaya bilməz”, – RİA Novosti siyasətçinin sözlərini sitat gətirir.

Orbanın sözlərinə görə, demokratlar Macarıstana nifrət edirdilər, çünki Ukrayna ətrafındakı vəziyyət, həmçinin miqrasiya və gender məsələlərində əks mövqeləri var.

Donald Trampın ABŞ-da hakimiyyətə gəlməsi ilə vəziyyətin sürətlə dəyişdiyini qeyd edən Orban, ölkələr arasında iqtisadi və siyasi əlaqələrin genişləndirilməsinə ümid etdiyini bildirib. Baş nazir Avropanın zəifliyindən və Ukraynadakı vəziyyəti təkbaşına həll edə bilməməsindən də danışıb.

Orban qeyd edib ki, Aİ daim qlobal oyunçu olduğunu deyir, lakin öz regionunda vəziyyətə nəzarət edə bilmir.

Cavid