Ukraynanın Nikolayev şəhərində hərbi komissarlığın qarşısında partlayış baş verib.

Xalqcebhesi.az xəbər verir ki, bu barədə Ukrayna KİV-i məlumat yayıb.

Yayılan partlayış anının görüntülərinə əsasən, bir qadın hərbi komissarlıq əməkdaşlarına yaxınlaşıb və qısa müddət sonra orada partlayış baş verib.

Ehtimal edilir ki, partlayıcı maddə qadının çantasında olub.

Hadisə nəticəsində iki nəfər ( qadın və bir hərbçi) ölüb, 6 hərbçi də yaralanıb.

Qeyd edək ki, ötən gün də Nikolayevdə kafelərdən birində partlayış baş verdiyi xəbəri yayılıb.