“Ərazi güzəştləri məsələsi gələcək danışıqların ən həssas və mürəkkəb məqamlarından biri olacaq”.

Bunu Ukrayna Prezidenti Volodimir Zelenski Finlandiyanın dövlət başçısı Aleksandr Stubb ilə birgə mətbuat konfransında deyib.

O qeyd edib ki, bu və digər məsələlərin müzakirəsi üçün həm dənizdə, həm də səmada atəşkəs rejiminin təmin olunması vacibdir.

“Müvəqqəti işğal altındakı ərazilərimizin Rusiyanın tərkib hissəsi hesab olunması bizim üçün “qırmızı xətt”dir. Biz buna getməyəcəyik”, - Zelenski əlavə edib.