Suriyada çökmüş Baas rejiminin lideri Bəşər Əsədin atası Hafiz Əsədin Latakiyada məzarı açılaraq sümüklərinin oğurlandığı iddia edilib.

Xalqcəbhəsi.az-ın “sondakika.com” saytına istinadən məlumatına görə, naməlum şəxslərin hücumundan sonra sümüklərin taleyi məlum deyil. Sosial mediada yayılan görüntü və fotolarda Əsədin bəzəkli məzar daşının yerində böyük boşluq olduğu görünür.

Qeyd edək ki, H.Əsədin Latakiyadakı məzarı ötən ilin dekabrında yandırılıb və dağıdılmışdı.