Qərbi Ukraynanın və xüsusilə Bessarabiyanın SSRİ-yə birləşdirilməsi səhv idi.

Bu fikirləri aif.ru saytına müsahibəsində Rusiya Kitab İttifaqının prezidenti, keçmiş baş nazir Sergey Stepaşin deyib.

Onun sözlərinə görə, məhz bu ərazilər müharibə zamanı SSRİ-nin cəbhə xəttinə çevrilib. "Almanlar oradan polis və cəza qüvvələri cəlb edirdilər. Xatını kim yandırdı? Nasistlər yox, qərblilər. Bizim böyük kəşfiyyatçımız Nikolay Nikolayeviç Kuznetsovu kim öldürdü? Bunu da onlar etdi", - keçmiş baş nazir bildirib.

Stepaşin Ukraynanın ilk prezidenti Leonid Kravçukun uşaq ikən banderitlərə “az qala yemək gətirdiyini” söylədiyi sözlərə də istinad etdi. "Bu infeksiya sonra gəldi. Kiyevə gəldi, Xarkova gəldi, Odessaya gəldi", - siyasətçi əlavə etdi.

O xatırladıb ki, 2014-cü ildə baş vermiş çevrilişdən sonra Kiyev sakinlərin rusiyapərəst olduğu bölgələrdə dərhal rəhbərliyi dəyişib.

Cavid