Bizim diplomatımızın da iştirak etdiyi Cenin səfəri zamanı nümayəndə heyəti İsrail əsgərləri tərəfindən atəşə tutulub.

Xalqcebhesi.az xəbər verir ki, bu sözləri Fransanın xarici işlər naziri Jan Noel Barro qeyd edib.

“Bu, qəbuledilməzdir. İsrail səfiri izahat vermək üçün çağırılacaq”, - deyə o bildirib.

Qeyd edək ki, bundan əvvəl sosial şəbəkələrdə hadisənin görüntüləri yayılıb. İsrail mediası işğal altındakı İordan çayının qərb sahilindəki Cenin şəhərində xarici diplomatların səfəri zamanı İsrail əsgərlərinin "havaya xəbərdarlıq atəşi" açdığını iddia edir. Lakin diplomatlar İsrail əsgərlərinin onlara atəş açdığını bildirirlər.