Türkiyənin Elazığ bölgəsinin Palu rayonunda sərnişin mikroavtobusunun aşması nəticəsində 3-ü ağır olmaqla 7 nəfər yaralanıb.

Xalqcəbhəsi.az-ın “Haber Global”a istinadla məlumatına görə, qəza səhər saatlarında Palu rayonunun Baltaşı kəndi yaxınlığında baş verib.

Adı açıqlanmayan sürücünün sükan idarəetməsini itirməsi nəticəsində sərnişin mikroavtobusu aşıb və yol kənarına düşüb. Aşan mikroavtobusda olan 7 nəfər xəsarət alıb. Xəbərdarlıq üzərinə hadisə yerinə sağlamlıq, xilasetmə və jandarma qrupları gəlib. İlkin tibbi yardımdan sonra yaralılar təcili tibbi yardım maşını ilə xəstəxanaya aparılıb.

Yaralılardan üçünün həyati təhlükəsinin olduğu öyrənilib.

Qəza ilə bağlı araşdırmalara başlanılıb.