Şimali Kipr Türk Cümhuriyyətində (KKTC) Əmək və Sosial Müdafiə Nazirliyi açıqlamasında bildirib ki, Meteorologiya İdarəsinin temperatur proqnozları,iş sağlamlığı və təhlükəsizliyi qaydaları yüksək temperaturda işləməyin risk yaratdığını göstərir.

Xalqcəbhəsi.az “TRT Haber”ə istinadla bildirir ki, 24 iyuldan 27 iyula qədər saat 12:00 ilə 16:00 arasında açıq havada fasiləsiz işlərin qadağan edildiyi bildirilib.

Kənd təsərrüfatı və tikinti sektorunda fəaliyyət göstərən işəgötürənlərin qadağaya əməl etdikləri müddətcə iş saatlarını müəyyən edə biləcəkləri vurğulanan açıqlamada, “Erkən işə başlama çərçivəsində tikinti avadanlqları tikinti sahəsinə daşına bilər” deyə qeyd edilib.

Bildirək ki, KKTC Meteorologiya İdarəsi həftənin əvvəlində 22-28 iyul tarixləri arasında adada temperaturun daxili bölgələrdə 41-44, sahillərdə isə 34-37 dərəcə ətrafında olacağının gözlənildiyini açıqlamışdı.