İsrailin Kiryat Qat şəhərində polis bölməsinə daxil olaraq baş nazir Benyamin Netanyahunu öldürməklə hədələyən şəxs həbs edilib.

Xalqcebhesi.az xəbər verir ki, bu barədə “İndependent” məlumat yayıb.

Nəşrin məlumatına görə, 40 yaşlı kişi bazar ertəsi axşam yəhudilərin yeni ili Roş-Haşana bayramına az qalmış yerli polis idarəsinə daxil olub.

"Şübhəli şəxs polislərə, odlu silah alıb, baş nazirə üç dəfə atəş açmağı planlaşdırdığını bildirib", — polis açıqlama verib.

Həmin şəxs saxlanılıb və hazırda həbsdədir. Cümə axşamı günü ona qarşı ittiham irəli sürüləcək və məhkəmənin yekunu olana qədər həbsdə saxlanılacaq.

Məryəm Quliyeva