ABŞ hakimiyyəti, Panama bayrağı altında Venesuelaya gedən "Bella 1" tankerinin həbsi üçün order alıb, çünki gəmi əvvəllər İran neftinin daşınmasında iştirak etmiş ola bilər.

Xalqcebhesi.az xəbər verir ki, bu barədə "The New York Times" qəzeti anonim mənbələrə istinadən məlumat yayıb.

Jurnalistlər bildirirlər ki, Amerika hakimiyyəti federal hakimdən gəminin müsadirə edilməsi barədə qərar alıb və bu qərar onlara gəmi üzərində nəzarəti ələ keçirməyə imkan verib.

Nəşr həmçinin qeyd edir ki, ABŞ tərəfi orderi Venesuela ilə əlaqələrinə görə deyil, gəminin İran nefti ticarətində istifadə olunması səbəbindən tələb edib. Üstəlik, bu tanker ötən ildən bəri Amerikanın sanksiya siyahısındadır.

Məryəm Quliyeva