Türkiyə polisi İstanbul yaşayış kompleksinin dayanacağında iki avtomobildən 30 milyon dollar oğurlanması ilə bağlı 11 şübhəlini həbs edib.

Xalqcebhesi.az xəbər verir ki, bu barədə "NTV" telekanalı hüquq-mühafizə orqanlarının məlumatlarına istinadən məlumat yayıb.

Oğurluq hadisəsi fevralın 11-də İstanbulun Avropa tərəfindəki Bakırköy rayonunda baş verib. Əvvəlcə İstanbul, Antalya və Kocaelidə aparılan istintaq çərçivəsində yeddi nəfər saxlanılıb. Onlardan 1,6 milyon dollar və silah müsadirə edilib. Polis daha sonra daha dörd şübhəlini saxlayıb.

Zərərçəkmiş Bilal Durmaz müstəntiqlərə bildirib ki, işinin təbiətinə görə banka daim pul yatırmaq və çıxarmaq onun üçün əlverişsizdir. "Üç ay ərzində pula ehtiyacım yox idi, ona görə də o, sadəcə maşınlarda qalıb", - deyə şəbəkə iş adamının sözlərinə istinadən bildirib. İstintaq zamanı məlum olub ki, Durmaz əvvəllər çirkli pulların yuyulması ittihamı ilə həbs edilən "Tac Döviz" şirkətinin sahibinin oğludur.

Məryəm Quliyeva