İran və Oman Hörmüz boğazından keçən Qərb ölkələrinin gəmilərindən nə qədər haqq tutacaqları ilə bağlı qərar qəbul edəcəklər.

Xalqcebhesi.az xəbər verir ki, bu barədə TASS-a İranın Moskvadakı səfiri Kazım Cəlali bildirib.

"Bu məsələ ilə bağlı İran və Oman danışıqlar aparır. İslam Respublikasının hakimiyyət orqanlarının və XİN-in qeyd etdiyi kimi, biz Omanla birgə Hörmüz boğazının təhlükəsizliyi və gəmilərin oradan keçid rejimi ilə bağlı qərarlar qəbul edirik", — deyə diplomat bildirib.

"Boğazdan keçid xidmətlərinə görə kompensasiya və onların dəyəri danışıqlarımızın mövzusudur. Gələcəkdə bu məsələlərlə bağlı müvafiq qərar qəbul ediləcək", — deyə o əlavə edib.

Məryəm Quliyeva