Rəsmi Tiflis AB ilə assosiasiya sazişinini ratifikasiya edəcək

Gürcüstan parlamenti Avropa Birliyi ilə imzalanmış assosiasiya sazişini iyulun 18-də ratifikasiya edəcək. APA-nın Gürcüstan mətbuatına istinadən verdiyi məlumata görə, bunu Gürcüstan parlamentinin sədri David Usupaşvili deyib.
O bildirib ki, Gürcüstan Konstitusiyasının tələbinə əsasən parlamentin fövqəladə iclasını çağırmaq üçün prezident Georgi Marqvelaşviliyə müraciət edilib.
D. Usupaşvili qeyd edib ki, hazırda parlament tətildədir və yaz sessiyası çoxdan başa çatıb: "Fövqəladə iclasda assosiativ sazişin ratifikasiya olunması planlaşdırılır. Bu məsələ ən yaxın zamanda öz həllini tapacaq".
Qeyd edək ki, Gürcüstan iyunun 27-də AB ilə assosiasiya sazişi imzalayıb.