Ümid edirik ki, Hindistandan ilin sonuna qədər S-400 komplekslərinə görə avans alacağıq.
Bunu jurnalistlərə açıqlamasında Rusiya Federal Hərbi Texniki Əməkdaşlıq Xidməti direktorunun müavini Vladimir Drojjov deyib. Onun sözlərinə görə, belə olacağı halda Hindistana S-400 tədarükü 2020-ci ildə başlayacaq və 2025-ci ilə qədər bitəcək.
O, həmçinin Hindistanın ABŞ sanksiyalarına rəğmən S-400-ləri almaq istəməsinin S-400-lərin unikallığını göstərdiyini bildirib:
“Bizə təkcə Türkiyə, Hindistan və Çindən deyil, digər ölkələrdən tədarük müraciəti var. Mən əminliklə təsdiq edə bilərəm ki, S-400 ABŞ-dan olan bütün analoqlarını üstələyir”.