Türkiyə üçün dəhşətli proqnoz: 7,5 bal, 2,5 dəqiqə... Dünya

Türkiyə üçün dəhşətli proqnoz: 7,5 bal, 2,5 dəqiqə...

Yeni Mərmərə zəlzələsi olacaq və gücü 7,5 bal təşkil edəcək.
Bu iddia ilə İstanbul Texniki Universitetinin Mədən fakültəsinin Geologiya bölümünün professoru Cenk Yaltırak çıxış edib.
Professor zəlzələnin zərərinin 1999-cu il İstanbul zəlzələsindən çox olacağını bildirib:
“Türkiyədə 1500 ildə 283 zəlzələ olub. Birdən çox bölgəni dağıtmış zəlzələ sayı isə 38-dir. Son yüz ildə baş vermiş ən güclü zəlzələlərə Mərmərə, Çinarcık, İzmit zəlzələlərini misal göstərmək olar. Bu zəlzələlərdə nə qədər ərazinin dağıldığını, qırılma xəttinin böyüklüyünü, nə qədər sahəyə təsir etdiyini bilirik. Mərmərədə bir zəlzələnin birdən çox yeri dağıtması üçün şiddəti 7 balı aşmalıdır.
Əlimizdəki araşdırmaya əsasən, Mərmərədə 7,5 bal böyüklüyündə zəlzələ olacaq. Mərmərədə son 20 ildə 6 zəlzələ olub və 7-ci gözlənilir. Bu zəlzələ 2019-2026-cı illər arasında olacaq və 2,5 dəqiqəyə qədər uzanacaq. Bu, İstanbul yox, Mərmərə zəlzələsi olacaq”.