İranda 112 nəfər koronavirusun “Britaniya ştammı”na yoluxub.

APA-nın Tehran bürosunun məlumatına görə, bunu İranın Koronavirusla mübarizə qərargahının sözçüsü Əlirza Rəisi deyib.

O əlavə edib ki, indiyədək koronavirusun “Britaniya ştammı”na yoluxmuş şəxslərdən 8 nəfəri vəfat edib.

Qeyd edək ki, İranda indiyədək koronavirusdan 59 663 nəfər həyatını itirib, bu virusa yoluxanların sayı isə 1 590 605 nəfərə çatıb.