Nepalda çirkli hava səbəbindən məktəblər bağlanıb Dünya

Nepalda çirkli hava səbəbindən məktəblər bağlanıb

Nepalda son günlər atmosferdə zərərli hissəciklərin miqdarının normadan xeyli çoxalması səbəbindən orta məktəblərdə dərslər 4 gün müddətinə təxirə salınıb.

AZƏRTAC yerli KİV-lərə istinadla xəbər verir ki, Nepalın sürətlə böyüyən paytaxtı Katmanduda xüsusən hava çirkliliyi son illər ciddi problemə çevrilib. Ölkənin Ətraf Mühit Departamenti bir kubmetr havada zərərli hissəciklərin miqdarının 214 mikroqrama (PM2.5) çatdığını açıqlayıb. Nepal hökumətinin bununla bağlı standartı 40 mikroqramdır.

Səhiyyə Nazirliyi əhalini ehtiyac olmadığı halda açıq havaya çıxmamağa çağırıb. Bu cür hava şəraitinin COVID-19 riskini çoxaltdığı da bildirilir.