Fransada koronavirusla əlaqədar xəstəxanada müalicə alan şəxslərin sayı ötən ilin oktyabr ayından ilk dəfə 10 min nəfərdən aşağı düşüb.

"TASS"ın verdiyi məlumata görə, bu barədə ölkənin Səhiyyə Nazirliyi yanında "Sante publique France" monitorinq agentliyindən bildiriblər.

Məlumata əsasən, Fransada koronavirusla əlaqədar xəstəxanada müalicə alan şəxslərin sayı 9 771 nəfər təşkil edir. Ötən gün bu rəqəm 10 046 nəfərə bərabər olub.

Qeyd edilir ki, ötən sutka ölkədə koronavirusa 2 320 nəfər yoluxub, 33 nəfər vəfat edib.