Hakim "Gürcü Arzusu" Partiyasının fraksiya rəhbəri Mamuka Mdinaradze Gürcüstanın keçmiş prezidenti Mixail Saakaşvilinin Gürcüstana qayıdacağını elan etdiyi video müraciətinə reaksiya verib.
“Xalq Cəbhəsi” xarici mediaya istinadən xəbər verir ki, Mamuka Mdinaradze özünün rəsmi "Facebook" səhifəsində qeyd edib:
"Düşünürəm ki, 2 oktyabrda 'Gürcü Arzusu' və ədalət birgə bayram edəcək".
Xatırladaq ki, M.Saakaşvili 27 sentyabr tarixində özünün rəsmi sosial şəbəkəsində yayımladığı video müraciətdə, 2 oktyabr axşam saatlarına Tbilisiyə avia bilet aldığını və qayidacağını elan edib.
Məlumat üçün bildirək ki, oktyabrın 2-də Gürcüstanda yerli özünüidarəetmə seçkiləri keçiriləcək.

Cavid