Sudanda ötən gün dövlət çevrilişinə cəhddən sonra başlayan etiraz aksiyalarında 7 nəfər ölüb, 140 nəfər isə xəsarət alıb.

Trend-in məlumatına görə, bu barədə "Reuters" agentliyinə ölkənin Səhiyyə Nazirliyinnin nümayəndəsi deyib.

Bildirilib ki, insanlar güllə yarası aldıqdan sonra vəfat ediblər. Digər təfərrüatlar barədə məlumat verilmir.
Qeyd edək ki, ötən gün Sudanda hərbçilər ölkənin baş naziri Abdulla Hamduk da daxil olmaqla bir sıra yüksəkvəzifəli məmurlar və siyasətçiləri həbs ediblər.

Bu gün BMT Təhlükəsizlik Şurası Sudandakı vəziyyəti müzakirə edə bilər.