Bu gecə - 5 aprel 2020-ci il saat 00:00-dan 20 aprel 2020-ci il saat 00:00-dək ölkə ərazisində hərəkət məhdudiyyətləri tətbiq ediləcək.
Nazirlər Kabinetinin “Koronavirus (COVID-19) infeksiyasının Azərbaycan Respublikasının ərazisində geniş yayılmasının qarşısının alınmasına dair əlavə tədbirlər haqqında” 2 aprel 2020-ci il tarixli qərarına əsasən, xüsusi karantin rejimində xidməti vəsiqələri və ya iş yeri barədə arayış əsasında hərəkət etmələrinə icazə verilən şəxslər müəyyənləşib.
Qərara əsasən, Milli Məclisinin deputatları və Aparatının əməkdaşları xidməti vəsiqələri və ya iş yeri barədə arayış əsasında hərəkət edəcək.