Gömrükçülər siqaret və dərman preparatları aşkar ediblər Hadisə

Gömrükçülər siqaret və dərman preparatları aşkar ediblər

Dövlət Gömrük Komitəsinin Qərb Ərazi Baş Gömrük İdarəsinin əməkdaşları dərman preparatları və siqaretlərin ölkə ərazisinə qanunsuz yolla gətirilməsinin qarşısını alıblar.

Komitənin Mətbuat və İctimaiyyətlə Əlaqələr İdarəsindən bildirilib ki, Baş İdarənin "Mazımçay" gömrük postunda Gürcüstandan gələn "Mercedes Benz" markalı 2 yük nəqliyyat vasitəsi saxlanılıb və gömrük baxışı keçirilib. Yoxlama zamanı avtomobillərin gizli saxlanc yerlərindən gömrük nəzarətinə bəyan edilməyən 3000 ədəd "Marlboro edge" markalı siqaret, 824 ədəd və 2 flakon müxtəlif adda dərman preparatları aşkar edilib.

Hər iki faktla bağlı araşdırma aparılır.