Şəkidə yük maşını ilə minik avtomobili toqquşub, xəsarət alanlar var Hadisə

Şəkidə yük maşını ilə minik avtomobili toqquşub, xəsarət alanlar var

Şəkidə yük maşını ilə minik avtomobili toqquşub.

APA-nın şimal-qərb bürosunun məlumatına görə, hadisə səhər saatlarında Şəki şəhər Salman Mumtaz küçəsi ilə Məzahir Abbasov küçəsinin kəsişdiyi yerdə baş verib.

Taryel Həbubullayevin idarə etdiyi “Zil 132” markalı, 32 BB 008 dövlət nömrə nişanlı yük maşını “VAZ 2106” markalı 34 BE 933 dövlət nömrə nişanlı minik avtomobili ilə toqquşub. Qəza zamanı "VAZ 2106" markalı avtomobilin sürücüsü yüngül xəsarət alsa da, avtomobildə olan sərnişin Gülnar Ramazanova aldığı müxtəlif dərəcəli bədən xəsarətləri ilə Şəki Rayon Mərkəzi Xəstəxanasına yerləşdirilib.

Faktla bağlı araşdırma aparılır.