Vəfa Quluzadə: "Ermənistanda baş qaldıran son hay-küy boş və mənasızdır"

"Ermənistanda son vaxtlar baş verən hadisələr, hakimiyyət uğrunda çəkişmələr həqiqətən də olduqca qəribədir". Bu sözləri açıqlamasında politoloq Vəfa Quluzadə Ermənistanda keçmiş kriminal avtoritetlərin yenidən fəallaşmasına münasibət bildirərkən deyib.
Politoloq Ermənistanda baş qaldıran son hay-küyün boş və mənasız olduğunu bildirib:
"Ölkə daxilində müxtəlif qəribə hadisələr baş verir. Ermənistanda baş verən bu son olaylara heç bir reaksiya verməyə dəyməz. Çünki Sərkisyan kimi çoxdan uduzmuş birisi bu addımı atırsa, demək, vəziyyət sözün əsil mənasında olduqca kritik və çıxılmazdır. Nə edirlər-etsinlər, hansı yola üz tuturlarsa-tutsunlar, bu, heç bir nəticə verməyəcək. O ki qaldı bu aktivləşmənin Qarabağ məsələsinə təsirinə, burada heç bir təsirdən söhbət gedə bilməz. Bütün bunlar Ermənistana xas olan və onların daxili zəifliyindən irəli gələn proseslərdir. Düşmən bununla Qarabağ məsələsinə heç bir təsir edə bilməyəcək. Buna görə də hakimiyyət başında ciddi və güclü olmayan birinin hər hansı bir addımının Qarabağ məsələsinə təsir edə biləcəyini düşünmürəm".
Xatırladaq ki, Ermənistanda "Çiçəklənən Ermənistan" partiyasının sədri, siyasi lider Qaqik Çarukyan hakimiyyət uğrunda savaşından və siyasətdən getdikdən sonra ölkədə bir başqa hakimiyyətin devrilməsi fonunda aktiv rol oynayan keçmiş kriminallar yenidən fəallaşmağa başlayıblar. Ermənistanın idarəçiliyini və Azərbaycanın torpaqlarını əldən vermə qorxusu ilə yaşayan Sərkisyan isə indi də ən son varianta əl ataraq ətrafında kriminal avtoritetlərin möhkəmləndirilməsi yolu ilə "Qarabağ klanı"nı qorumağa çalışır.