ABŞ-Qana - 2:1

Braziliyada keçirilən dünya çempionatında ABŞ millisi Qana yığmasına qalib gəlib. APA TV-nin məlumatına görə, qarşılaşma amerikalıların 2:1 hesablı qələbəsi ilə başa çatıb.
ABŞ millisi hesabı oyunun ilk dəqiqəsində açıb. 30-cu saniyədə afrikalıların qapısından topu Klint Dempsi keçirib.
Qana millisi hesabı oyunun 81-ci dəqiqəsində bərabərləşdirib. Asamoa Qyanın ötürməsindən sonra Andre Ayyu yaxın məsafədən topu qapıya göndərib. Amma qanalıların sevinci uzun sürməyb. 86-cı dəqiqədə Bruks ABŞ millisinin ikinci qolunu vurub və hesabı 2:1-ə çatdırıb.

İran-Nigeriya - 0:0

Braziliyada keçirilən futbol üzrə dünya çempionatının beşinci oyun günündə ilk qolsuz nəticə qeydə alınıb.
İran və Nigeriya millilərinin qarşılaşmasında qol vurulmadı. Bu, həm də çempionatın ilk heç-heçəsidir. Bundan əvvəlki 12 oyunun hamısı komandalardan birinin qələbəsi ilə başa çatıb.

Almaniya - Portuqaliya - 4:0

Dünya çempionatında qrup mərhələsinin oyunları davam edir.
APA-ın məlumatına görə, günün ilk matçında (G qrupu) Almaniya yığması Portuqaliyanı darmadağın edib - 4:0.
Toplardan üçünü Tomas Müller vurub. Bu Dünya Çempionatı-2014-ün ilk het-trikidir. Daha bir qolu Mats Hummel vurub.