ABŞ Prezidenti Donald Trampın böyük oğlu, kürəkəni və onun keçmiş təşviqat meneceri Senat komitələrinin Rusiyanın 2016 seçkilərinə müdaxilə iddialarını təhqiq etməsindən sonra ifadə verəcəklər. Oğul Donald Tramp, Jared Kuşner və Paul Manafort Rusiya rəsmiləri ilə əlaqədə ittiham olunurlar. Cənab Tramp və onun müttəfiqləri hər hansı sövdələşməni təkzib edib. Bu arada, Tramp bildirib ki, o, Jess Sessionsın özünü kənara çəkəcəyini bilsəydi onu təyin etməzdi.
New York Times qəzetinə müsahibəsində, Tramp baş prokurorun qərarını "çox ədalətsiz" adlandırıb. "Sessions özünü kənarda tutmamalı idi və əgər o, özünü kənar tutacaqdısa, bunu işi qəbul etməzdən öncə deməli idi və mən də başqasını seçərdim." Sessions mart ayında özünü Rusiya ilə bağlı təhqiqatdan uzaq tutduğunu elan edib. Bu, onun Senatda keçirilən təsdiqlənmə dinləmələrində Rusiyanın ABŞ-dakı səfiri ilə görüşməsi barədə məlumat verməməsi bəlli olduqdan sonra baş verib.
Sessions onun iddialarına şərh verməyib. Eyni müsahibədə cənab Tramp bu ayın əvvəlində Hamburqda Rusiyalı həmkarı Vladimir Putinlə "ikinci görüşü" barədə danışıb. O deyib ki, görüş 15 dəqiqə davam edib və daha çox bir-birinə "xoş sözlər" deməkdən ibarət olub. Onlar həmçinin "qəyyumluq" qanunundan danışıblar. Bu barədə "New York Times" yazır. ABŞ insan haqlarına görə Rusiya rəsmilərinə qarşı sanksiya tətbiq etdikdən sonra ABŞ-lılara Rusiyadan uşaq övladlığa götürmək qadağan edilib. Tramp və cənab Putin arasında görüş mediada çıxan xəbərlərdən sonra Ağ Ev tərəfindən təsdiqlənib.