Türk PUA-ları darmadağın etdi: Haftarın generalı da öldü Dünya

Türk PUA-ları darmadağın etdi: Haftarın generalı da öldü

Liviyada marşal Xəlifə Haftara bağlı qüvvələr paytaxt Tripoliyə hücum zamanı ağır itkilər verib.
Bu barədə “Yeni Akit” nəşri məlumat yayıb.
Bildirilir ki, Sirt şəhərinin qərbindəki Əl-Vaşka bölgəsində bir neçə gündür davam edən döyüşdə ən az 53 terrorçu, o cümlədən yüksək rütbəli zabit öldürülüb.
Tripolinin cənubunda və Raşfananın şərqində də Haftara bağlı 16 əsgər məhv edilib. Yaraqlıların mülki əhalini hədəf almasından sonra Liviya Milli Razılıq Hökumətinə bağlı qüvvələr qurudan hücuma keçib.
Türkiyənin ölkədə olan pilotsuz uçan aparatları (PUA) isə Haftara bağlı əsgərləri və hərbi avtomobilləri havadan bombalayıb. Ölənlər arasında general-mayor Əli Sidi və komandir Saber Əl-Mutahar da var.