Ukrayna prezidenti Pyotr Poroşenko sentyabrın 18-də ABŞ Konqresində çıxışı edəcək. Poroşenkonu ABŞ Konqresinin nümayəndələr palatasının spikeri Con Beyner dəvət edib.
"Ukrayna prezidenti Poroşenkonun Konqresdə çıxışı bizim Ukrayna xalqına davamlı dəstəyimizin daha bir sübutudur. Biz onun xalqının ümidlərini dəstəkləyirik", deyə Beyner bildirib.
Spiker həmçinin qeyd edib ki, Poroşenko Konqresdə çıxış edəcək ikinci Ukrayna prezidenti olacaq.
Qeyd edək ki, Viktor Yuşşenko Ukrayna dövlət başçısı kimi 2005-ci ildə ABŞ parlamentinin aşağı palatasında çıxış edib.