Cənubi Koreyanın birləşmə naziri Kim Yeon-chul "Yonhap" agentliyinə açıqlamasında Şimali Koreya lideri haqqında əsassız məlumatların yayıldığını bildirib. "Böyük ehtimalla Kim Çen infodemi üzündən evdən çıxmır. O, koronavirus pandemiyasaından ciddi şəkildə qorunur", - deyə nazir bildirib.
Məlumat üçün bildirək ki, infodemi hər hansı məsələ ilə bağlı ictimaiyyətdə aşırı dərəcədə yaranan qorxudur. Koronavirusla bağlı cəmiyyətdə yaranan xof bu pandemiya qədər təhlükəli həddə çatıb.
Qeyd edək ki, KXDR lideri 11 apreldən indiyədək ictimaiyyət qarşısında görünməyib. CNN telekanalı ABŞ administrasiyasındakı mənbəyə istinadən Vaşinqtonda, iddia edilən cərrahiyə əməliyyatından sonra KXDR lideri Kim Çen Inın sağlamlığının pisləşməsi ilə bağlı kəşfiyyat araşdırılmalarına dair açıqlama verib. Lakin bir qədər sonra Şimali Koreyanın mərkəzi qəzeti "Nodon Sinmun" Kim Çen İnin sənədlərlə işləməyə davam etdiyini söyləyərək Vonsan-Kalmanın şərq sahilindəki turizm bölgəsi inşaatçılarına təşəkkür mesajının göndərdiyini bildirib.