Qazaxıstanda ötən gün ərzində 184 nəfərdə COVID-19 infeksiyası aşkarlanıb. Ümumilikdə, ölkədə 104 902 koronaviruslu xəstə aşkar edilib.

AZƏRTAC xəbər verir ki, koronavirus infeksiyasına yoluxma hadisəsi ölkənin ən çox Şərqi Qazaxıstan vilayətində (30 nəfər), Almatıda (24 nəfər) və Karaqanda vilayətində (20 nəfər) qeydə alınıb.

Son sutka ərzində 807 nəfər COVID-19-dan sağalıb, 3 nəfər həyatını itirib. Sağalanların ümumi sayı 93 450 nəfərdir. Ümumilikdə pandemiyanın əvvəlindən Qazaxıstanda COVID-19-dan 1534 nəfər ölüb.

Hazırda 49 uşaq da daxil olmaqla, 9 963 nəfər koronavirus infeksiyasından müalicə alır.