Ermənistan və erməni lobbisi Türkiyənin dostluq əlini sıxmağa hazır deyil. Türkiyənin Anadolu agentliyinə istinadən xəbər verir ki, bunu ölkənin xarici işlər naziri Mövlud Çavuşoğlu bəyan edib. Onun sözlərinə görə, 1915-ci il hadisələrinin "ermənilərin soyqırımı" kimi fəal şəkildə təbliği buna əyani misaldır. Nazir, həmçinin qeyd edib ki, Türkiyə dəfələrlə 1915-ci il hadisələrinin araşdırılması üçün arxivləri açmağa hazır olduğunu bəyan etsə də, Ermənistan daim Ankaranın bu təklifini rədd edib. Çavuşoğlu qeyd edib ki, Türkiyə ermənilərin təbliğatına qarşı tədbirlər görür.