ABŞ-ın Florida ştatının cənub-şərqindəki Fort Lauderdeyl şəhərində tranzit avtobusun içərisində atışma nəticəsində iki nəfərin ölüb, daha iki nəfər yaralanıb.

Trend yerli KİV-ə istinadən xəbər verir ki, bu barədə məlumatı Fort Lauderdeyl şəhər polis departamenti yayıb.

Qeyd olunur ki, ölənlərdən biri hadisə yerində, digəri isə xəstəxanada vəfat edib.

Hadisə yerli vaxtla saat 15:25 baş verib. Sürücü avtobusda atəş səsləri eşidib və dərhal avtobusu polis departamenti binasının həyətinə sürüb. Bu zaman avtobus digər avtomobillə toqquşub. Nəticədə daha üç nəfər xəsarət alıb.

Atəş açmaqda şübhəli bilinən şəxs saxlanılıb.

Hazırda araşdırmalara davam etdirilir.