Dövlət İmtahan Mərkəzi üçün 800 nəfərlik iş yeri olan bina inşa olunur. Həmin binada bütün sınaq imtahanları, 1000-1500 nəfərin iştirak etdiyi imtahanlar kompüterlə keçiriləcək.

Trend-in məlumatına görə, bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə deyib.

Onun sözlərinə görə, bölgələrdə də belə şərait yaradıldıqdan sonra imtahanları kağız formatından kompüterə keçirmək mümkün olacaq.

“Biz bu istiqamətdə bir sıra nazirliklər ilə çox sıx əməkdaşlıq edirik”, - deyə o əlavə edib.