"7 iyun 2025-ci il tarixində 20 yaşlı şəxs (qadın cinsli) qıcolma vəziyyətində Kliniki Tibbi Mərkəzin Təcili və Təxirəsalınmaz Tibbi Yardım şöbəsinə hospitalizasiya edilib".

Bu barədə APA-nın sorğusuna cavab olaraq, TƏBİB-dən məlumat verilib.

Bildirilib ki, dərhal xəstəyə zəruri tibbi xidmətlər göstərilib, həkimlərin səylərinə baxmayaraq xəstənin həyatını xilas etmək mümkün olmayıb.

Qeyd edək ki, mediada yayılan bəzi məlumatlarda 20 yaşlı Dərya Namiz qızı Ağayevanın ölüm səbəbi kimi qarpızdan zəhərlənmə faktı göstərilib.