Polşa Silahlı Qüvvələrinin Əməliyyat Komandanlığının müraciəti əsasında Belarus və Ukrayna sərhədi boyunca uçuşlara məhdudiyyətlər və mülki dronlar üçün tam qadağa tətbiq olunub.
Bu barədə “Pansa.pl” məlumat yayıb.
Polşa Hava Nəqliyyatı Agentliyi sərhəd zonasına yaxın ərazilərdə uçuşların məhdudlaşdırıldığını açıqlayıb. Qərar Polşa Silahlı Qüvvələrinin Əməliyyat Komandanlığının müraciəti əsasında qəbul edilib və 10 sentyabr – 9 dekabr 2025-ci il tarixləri arasında tətbiq olunacaq.

Məhdudiyyətlər “EP R129” xüsusi zonasında hava hərəkətinə şamil olunur. Hərbi təyyarələr bu məhdudiyyətlərin xaricindədir. Bəyanatda bildirilir ki, göstərilən zonada mülki dronların uçuşu tam qadağandır.

Qeyd edək ki, 10 sentyabr gecə saatlarında Polşa və NATO havadan müdafiə sistemləri Rusiya ərazisindən Polşanın hava məkanına daxil olan çoxsaylı dronları zərərsizləşdirib.