Ölkədə koronavirus (COVID-19) pandemiyasının yayılmasına qarşı görülən maarifləndirmə tədbirləri çərçivəsində ictimaiyyətin ayrı-ayrı sahələr üzrə hazırlanan "Metodiki göstərişlər"lə daha yaxından tanış olması üçün TƏBİB və "Baku Media Center" animasiya şəklində videoçarxlar hazırlayıb. TƏBİB-dən verilən məlumata görə, "Müxtəlif ticarət və xidmət sahələrində, ofislərdə koronavirus infeksiyasının profilaktikasına dair metodiki göstərişlər" əsasında hazırlanmış videoçarxda bildirilir ki, çox sadə gigiyenik qaydalara riayət etməklə, özünümüzü və sevdiklərimizin sağlamlığının qoruya bilərik.