"Qəbələ rayonunda 47 mədəniyyət evi və klubu olub. Onlardan 31-inin 2015-2017-cillərdə fəaliyyəti dayandırılıb".

Bu barədə APA-nın sorğusuna cavabda Mədəniyyət Nazirliyindən bildirilib.

Qeyd edilib ki, Vandam qəsəbə Mədəniyyət evinin binası 2018-ci ildə özəlləşdirilib.

"Mədəniyyət Nazirliyi tərəfindən 2023-cü ildən başlayaraq bütün ölkə ərazisində monitorinqlər aparılmış müəssisələrin fəaliyyəti haqqında dəyərləndirmələr aparılmışdır. Hazırda həmin təhlillər əsasında mədəniyyət infrastrukturuna müasir çağırışlara uyğun məzmun gətirilməsi, əhaliyə əlçatanlığın təmin edilməsi, qurumlarının fəaliyyətinin təkmilləşdirilməsi üçün strateji həllər üzərində işlənilir", - məlumatda vurğulanıb.