Avropa Komissiyasının Ticarətdən Məsul Üzvü Maros Sefcovic bildirib ki, Avropa Birliyi (AB) ilə Amerika Birləşmiş Ştatları (ABŞ) arasındakı ticarət danışıqları qarşılıqlı hörmət əsasında aparılmalıdır.

Xalqcebhesi.az xəbər verir ki, ABŞ Prezidenti Donald Trump-ın Avropa Birliyinə qarşı 50 faizlik tarif tətbiq edilməsini təklif etməsindən sonra Sefcovic sosial media hesabında açıqlama yayıb. O, ABŞ Ticarət Naziri Howard Lutnick və Ticarət Nümayəndəsi Jamieson Greer ilə görüş keçirdiyini bildirərək, AB-nin hər iki tərəfin xeyrinə olan bir ticarət sazişi bağlamaqda qərarlı olduğunu vurğulayıb.

Sefcovic əlavə edib: “AB-ABŞ ticarət münasibətləri bənzərsizdir və bu münasibətlərə təhdidlərlə deyil, qarşılıqlı hörmətlə istiqamət verilməlidir.”

Məryəm Quliyeva