İranın daxili işlərinə üçüncü tərəfin müdaxiləsi ilə bağlı hər hansı bir təhdid ölkədəki sabitliyi pozmaq cəhdi kimi qiymətləndiriləcək və sərt cavablarla qarşılaşacaq.

Xalqcebhesi.az xəbər verir ki, bu barədə İslam Respublikasının Müdafiə Şurası bildirib.

Şuranın katibliyinin verdiyi açıqlamada deyilir: "Milli maraqlara qarşı hər hansı bir hücum, daxili işlərə müdaxilə və ya İranda sabitliyi pozmağa yönəlmiş hərəkətlərə mütənasib, hədəflənmiş və qətiyyətli cavab veriləcək". Şurada vurğulanıb ki, ölkənin təhlükəsizliyi, müstəqilliyi və ərazi bütövlüyü İslam Respublikasının qırmızı xətləridir.

Bəyanatda vurğulanır ki, öz mövqeyini ifadə etməkdən kənara çıxan davamlı təhdidlər və müdaxilələr mütənasib və qətiyyətli cavabla nəticələnəcək düşmənçilik davranışı hesab edilə bilər.

Məryəm Quliyeva