Azərbaycanda mobil rabitə infrastrukturunun genişləndirilməsi üzrə işlər aparılır.

Bunu İnnovasiyalar və Rəqəmsal İnkişaf Agentliyinin sədri Rəşad Xaliqov "Dövlət xidmətlərinin rəqəmsallaşdırılması və dayanıqlı məskunlaşma" mövzusunda panel sessiyasında çıxışı zamanı deyib.

Onun sözlərinə görə, 2024-cü ilin sonunadək ən ucqar kəndləri də yüksək sürətli internetlə təmin etmək nəzərdə tutulur.
"Həmin vaxtadək internetin minimal sürəti 25 meqabit/saniyə təşkil edəcək", - deyə o bildirib.

R.Xaliqov qeyd edib ki, Ağalı kəndində internetin sürəti 100 meqabit/saniyə və daha çoxdur.