Bolqarıstan bu ilin sentyabr ayının sonunadək Azərbaycandan 225 mln. kubmetrə yaxın təbii qaz alacaq.

Bu barədə "APA-Economics" ICIS-ə (Independent Commodity Intelligence Services) istinadən xəbər verir.

ICIS-ə "Bulqarqaz"dan verilən məlumata görə, Azərbaycan qazı Bolqarıstana müvəqqəti olaraq Yunanıstanın sərhəd nöqtəsində (Kula-Sidirokastro) illik ötürücülük gücü olan mövcud birləşdirici xətlə nəql ediləcək.

Məlumata görə, Yunanıstan-Bolqarıstan birləşdirici qaz kəmərinin (IGB) istifadəyə verilməsinin təxirə salınması səbəbindən Azərbaycan qazı Bolqarıstana yuxarıda qeyd olunan nəqletmə infrastrukturu vasitəsilə həyata keçiriləcək.

Bununla yanaşı, məlumatda IGB-nin 2021-ci ilin oktyabrında işə başlamasının gözlənildiyi vurğulanır.

Qeyd edək ki, Bolqarıstanın "Bulgargaz" şirkəti "Şahdəniz-2" layihəsi çərçivəsində "Şahdəniz" konsorsiumu ilə ildə 1 mlrd. kubmetr qazın nəqli ilə bağlı müqavilə imzalayıb. "Sahdəniz" qazının Avropaya nəqli Cənub Qaz Dəhlizi ilə mümkün olacaq (Trans-Anadolu və Trans-Adriatik qaz kəmərləri vasitəsi ilə).

Xatırladaq ki, IGB-nin tikintisinə 33 mln. avro vəsaitin ayrılmasını təsdiq edib. Bu vəsait Komotini (Yunanıstan) və Stara Zaqora (Bolqarıstan) arasında tikiləcək 182 km-lik IGB boru kəmərinin ilik ötürmə gücü 3 mlrd. kubmetr olacaq, gələcəkdə bu göstəriCi 5 mlrd. kubmetrə çatdırıla bilər.