Azərbaycan bərpa olunan enerji mənbələrinin inkişafı üçün mühüm potensiala malikdir.

Bunu Avropa İttifaqının (Aİ) energetika məsələləri üzrə komissarı Kadri Simson "Cənub Qaz Dəhlizi" Məşvərət Şurası çərçivəsində nazirlərin 8-ci toplantısının yekunları ilə bağlı mətbuat konfransında deyib.

"Bu görüş Azərbaycanla əməkdaşlığımızı fəallaşdırmağın müzakirəsi üçün yaxşı imkan oldu. Azərbaycan Aİ-nin strateji və etibarlı enerji tərəfdaşıdır", - deyə o bildirib.

O əlavə edib ki, bugünkü danışıqların gedişatından layihə çərçivəsində infrastrukturun genişləndirilməsi, karbon qazı və metan tullantılarının azaldılması məsələləri müzakirə olunub.

"Azərbaycan bu gün "Şahdəniz" vasitəsilə qaz tədarükünün artırılması üçün əlindən gələni edir. Biz bu layihə çərçivəsində Azərbaycanla gələcək əməkdaşlığa ümid edirik, belə ki, bu layihə Aİ-nin bütün ölkələri üçün strateji vacibdir", - K.Simson deyib.