Türkiyə və İranın daxili işlər nazirləri Mustafa Çiftçi və İsgəndər Mömeni görüş keçirərək terrorla, mütəşəkkil cinayətkarlıqla, narkotik alveri ilə, qeyri-qanuni miqrasiya ilə mübarizəni və sərhəd təhlükəsizliyi məsələlərini müzakirə ediblər.

Xalqcebhesi.az -ın xəbərinə görə, Çiftçi bəyan edib ki, Türkiyə İrandan regionda PKK və PJAK strukturlarının ləğv edilməsində iştirak etməsini gözləyir. Onun sözlərinə görə, Ankara, həmçinin ekstradisiya və deportasiya prosedurlarının sürətləndirilməsində və İnterpol bölmələri arasında əməkdaşlığın gücləndirilməsində maraqlıdır.

Mömeni PKK ilə tənzimləmə prosesini dəstəkləyib və bəyan edib ki, Türkiyə, İran, İraq və Suriya problemin yekun həlli üçün birgə işləməlidirlər. "Silahlar yerə qoyulmadan sülh olmayacaq", — deyə iranlı nazir bildirib və PKK, PJAK, eləcə də onların bütün qollarını fəaliyyətlərini dayandırmağa çağırıb.

Məryəm Quliyeva