"Azərbaycanda din dövlətdən ayrı olsa da, daim dövlətin qayğısı ilə əhatə olunub. Bizim əsas üstünlüyümüz etiqad azadlığıdır, istənilən dini icma öz inancını rahat şəkildə yaşaya bilir. Bununla yanaşı, bütün dini icmalara dövlətin qayğısı da bərabər səviyyədədir". Bunu Xalqcəbhəsi.az-a açıqlamasında politoloq Asif Nərimanlı deyib. O, bildirib ki, bu, Azərbaycanı dünyada nadir rastlanan multikulturalizmin mərkəzinə çevirib: "Bu mənzərə Prezident İlham Əliyevin həyata keçirdiyui siyasət nəticəsində daha da güclənir. İstər dini abidələrin bərpası, istər dini adət-ənənələrimzin qorunması dövlət başçısının bu siyasətinin tərkib hissəsidir.
Prezidentin ailəsi ilə birlikdə Şuşada Yuxarı Gövhər Ağa məscidini ziyarət etməsi də bunun ən bariz nümunəsidir. Azərbaycanda adət-ənənələrimiz dövlətin ən yüksək səviyyəsində yaşadılır və qorunur.
Müstəqillik dövründə bu istiqamətdə görülən işlər də hər şeyi ifadə edir. Belə ki, 1993-2003-cü illər ərzində ölkədə 517 məscid inşa olunub, 200-ə yaxın məsciddə əsaslı təmir işləri aparılıb, 16 məscid yenidən qurulubdur. Dövlət vəsaiti hesabına 1998-ci ildə Bibiheybət məscid-ziyarətgah kompleksinin yenidən əsaslı şəkildə yenidən qurulub. 2003-2013-cü illər ərzində ölkədə 200-dan çox məsciddə inşa, əsaslı təmir və yenidən qurma işləri aparılıb, o cümlədən dövlət vəsaiti hesabına 10 məscid tikilib və ya əsaslı bərpa olunub. Bu iş həm dövlət büdcəsi hesabına həyata keçirilir, həm də Heydər Əliyev Fondu tərəfindən.
Bu gün Azərbaycan İslanm dünyasında dini abidələrin dövlət tərəfindən qorunduğu və adət-ənənələrin ən yüksək səviyyədə yaşandığı əsas ölkələrdəndir".

Əli